NordicSpatial er eit gratis, webbasert kartverktøy som gjer det enklare å planleggje bruk av havområda på tvers av nordiske og baltiske land. Tenesta samlar og visualiserer offisielle marine data og gjer samarbeid i sanntid mogleg – utan krav om GIS-kompetanse.
Verktøyet byggjer på eit breitt nordisk-baltisk samarbeid:
- Kartverket initierte prosjektet og har leia arbeidet.
- BarentsWatch har levert den tekniske utviklinga av sjølve karttenesta.
- Nordisk ministerråd har finansiert prosjektet.
- Finland, Sverige, Estland, Latvia, Litauen, Danmark og Noreg har delt bidrag og data som har gjort det mogleg å utvikle ei felles plattform.
Situasjonsforståing
NordicSpatial støttar planlegging av aktivitetar som havvind, skipsfart og vern av sårbare økosystem, og strøymer data direkte frå EMODnet og HELCOM. Resultatet er eit verktøy som senkar terskelen for samarbeid, styrkar situasjonsforståinga og gjer marin arealplanlegging meir harmonisert og kunnskapsbasert.
Tenesta er allereie i bruk innan havforvalting, og prosjektrapporten peikar på eit stort potensial for vidareutvikling saman med brukarane.
– Ei berekraftig forvalting av havet krev samarbeid på tvers av landegrenser og sektorar. Då må vi òg sikre at vi planlegg ut frå det same kunnskapsgrunnlaget og felles situasjonsforståing, seier internasjonal koordinator Evert Flier frå sjødivisjonen i Kartverket til etatens nettsider.
Arealverktøyet 2.0
Tenesta byggjer på systema som er utvikla i Arealverktøyet, og i 2025 har det vore arbeidd med å fornye tenesta med nytt design og betre funksjonalitet.
Arealverktøy er en tjeneste som viser autoritative data om næringsaktiviteter og miljøverdier til støtte for en helhetlig forvaltning av norske havområder.
Her kan du sammenstille og analysere kartdata, som du videre kan lagre i ditt eget kartbibliotek. Kart kan deles med andre brukere, noe som gir muligheten til å samarbeide i ett og samme kart.
Katalogen inneholder data fra offentlige kilder, men du kan selv importere dine egne kartdata.